Codorniu

Codorniu XVI. mendeko familia mahastizain baten historiaren sinonimo da. Codorniu estatuko familia-negozio zaharrena da eta mundu mailako zaharrenetarikoa.

Gaur egun, 450 urte baino gehiagoko historia du bodega eder honek. Josep Raventòs Fatjòk metodo tradizionala jarraituz eta Penedès bertako mahatsak erabiliz (Macabe,

Xarel- lo eta Parellada ) estatuko lehengo cava sortu zuen. Horrela, industria erabat berria ezartzeaz gain Codorniuren izena cavaren historian idatzita geratu zen. Cava ona kalitate goreneko mahatsarekin egiten da. Horregatik, Codorniuk mahatsak ondo hautatu eta mahastiak maitasun eta mimoz zaintzen ditu. Urte askotan zehar mahastizaintza iraunkorraren teknika aplikatu da; hau da, naturari bere bidea egiten uzten zaio eta desorekak daudenean soilik hartzen du gizakiak parte. Horrela, Codorniuk tradizioa eta berrikuntza uztartzen ditu cavaren ekoizpen prozesuan, prozesuko fase bakoitza kontrolatuz azken produktua kontsumitzailearengana heldu arte. Manuel Raventòs,  Cdorniuren sustatzaile handiak, 1895an Josep Pig i Cadafalch arkitekto modernista famatua (Gaudì ren garaikidea) kontratatu zuen upategia zabaltzeko. Upategi hau Monumentu Historiko Artistikoa da 1976. urteaz geroztik eta cavaren elaborazioari eta zahartzeari eskainitako arkitekturaren adibiderik ikusgarrienetakoa da.