Doniene Gorrondona

Doniene Gorrondona Txakolina Andoni, Egoitz, Itziar eta Julenek osatzen dute.
Familiako tradiziorik eduki gabe murgildu ziren honetan, mahastizaintza Bakion gainbehera zegoen momentu erabakiorrean. Egun, Doniene Gorrondonak 15 Ha.tako mahasti azalera du, jabetza eta errentan. Mahastiak Bakioko maldetan daude kokatuak, hegoaldera begira. Hainbat sail ezberdinek osatzen dute, lur mota ezberdinekoak eta 0tik 250 metrotararteko altueran landatuak.

Gure lehen urratsetatik hasi ginen ingurugiroari garrantzia ematen. Argi eduki dugu beti, bere errespetuan datzala gure produktuaren, mahatsaren, kalitatea. Horregatik gure egunerokotasunen isladatzen saiatzen gara: ekoizpen integratuan zertifikatuak daude gure mahastiak, zertifikatutako ustiapenetatik ekoiztutako kortxoak, kimikoki ez tratatutak, erabiltzen ditugu; kartoizko embalajeen %15a errekuperatu egiten dugu eta barrikak, era iraunkorrean kudeatutako basoak dituzten upeltegietan erosten ditugu.

2011ko uztarekin proiektu berri bati ekin genion. Erronka, gure mahastietako ekologia aberatsetik abiatuta aroma-banku bat sortzea. Legamietan jarri dugu mira, hauek ezagutu eta gure mahatsak fermentatzeko erabili. Horrela, ekoiztutako ardoak  bere nortasuna eta jatorria indartzea lortu nahi dugu.