Ostatu

Belaunaldiz belaunaldi aritu izan gara Sáenz de Samaniego familiako kideok mahasti-zaintzan. Izan ere, mahastia familiari XVI. mendetik lotuta dagoela jasota dago. Oraindik ere familiaren eskuetan jarraitzen duten Matarredo auzoko haitzetan zulatutako lurpeko upeltegi zaharrak, “calado” deritzenak, erabiltzen omen zituzten gure arbaso haiek ardoa egiteko.
70eko hamarkadaren hasieran, Doroteo eta Maria Asuncion gure gurasoek ekin zioten merkaturatzeari. Zeregin horretan uztartu zuten beraien lanarekiko konpromiso tinkoa, etorkizunerako sen berezia eta beraien egitasmoari eustea. Eta ondorioa, Laguardia eta Gasteiz arteko errepidean dagoen “Ostatu” upategia.

Gure lan egiteko era lurrarekiko errespetuan oinarrituta dago. Horrek ekartzen du, modak alde batera utzita, ardoa eta bizitza ulertzeko filosofia bat. Filosofia hau da bikaintasunaren bila garamatzana atzokoa eta gaur egungoaren arteko oreka dugula ardatz. Eta filosofia bera da ditugun ardo guztietan gauzatzen dena. Izan ere, gure ardoak dira Arabako Errioxako klimak eragindako gure mahastien isla, eta kokatuta dauden lurretako ondorio zuzena.
Bai orain eta baita etorkizunean ere ezinbestekoa da Ikuspegi jasangarri eta ekologikotik paisaia zaintzea. Ardura hori eta paisaiaren zati izatea du Ostatu upategiak bereizgarri. Eta erronka, kalitatearen aldeko apustuan, gure mahastigintza, ardogintza eta kudeaketa etengabe eraberritzea.